DAKO’G tabang ang dugang sais milyones pesos (Php 6M) nga pondo para sa Nursing Program sa Mindanao State University-Naawan.
Kasamtangang dunay 73 nursing enrolless ang tulonghaan nga nag-gikan sa nagkalain laing lungsod sa probinsiya.
Matud ni Shaina Santos sa Población, El Salvador City dako’g tabang ang pagbukas sa nursing course sa MSU-Naawan ilabi na sa iyang ginikanan.
Temporaryong gipagamit sa kagamhanang lokal ang kabahin sa Naawan swimming pool complex isip classroom sa maong programa.
Kahinumdumang ang pag-abli sa kursong nursing sa MSU-Naawan usa sa gihingusgan ni Gov. Peter “Sr Pedro” Unabia ug kabahin sa tinguhang makubsan ang kalisod sa lalawigan subay sa SDPI Program ug PAGLAUM development agenda niini ubos sa letrang A kon Aggressive programs for youth welfare and development. PIO
