GIKAHINABI ni Mayor Oscar Moreno ang mga gagmayng negosyante nga nagpuyo sa Habitat Phase II Relocation sa Brgy. Indahag ning dakbayan karong adlawa.
Kabahin kini sa gilusad nga Pakighinabi Serye sa Team Padayon OSM diin gipaminaw ang mga problema sa matag sektor aron siguradong naka-ankla ang mga plataporma sa mga kandidato sa tinuod nga gikinahanglan sa katawhan.
Lakip sa mga nanggawas nga mga concerns ang kakulangon sa puhunan sa ilang mga sari-sari stores ug dugang alternatibong panginabuhian.
Gipasalig ni kanhi Mayor Oscar Moreno kinsa subling nagpapili karon pagka-mayor nga iyang hingosgan ang mga livelihood programs nga iya ng nasugdan kaniadto.
Uban sa maong pakighinabi ang mga nagpapili nga mga konsehal nga si Boboy Sabal, Jasmine Borja ug Mary Cris Mulat.
