MAPAHIMUSLA na karon sa J.R. Borja General Hospital (JRBGH) ang bag-ong serbisyong medikal nga gitawag og ‘laparoscopic cholecystectomy operation’ aron makahatag og kalidad, paspas ug episyente nga serbisyo alang sa katawhan sa dakbayan.
Ang laparoscopic cholecystectomy usa ka ‘minimally invasive surgical procedure’ alang sa pag-opera sa apdo o’ gallbladder stone, apil sa appendix kon gitawag nga ‘laparoscopic appendectomy’, ug uban pa nga surgical procedure sa opera sa tiyan.
Usa kini ka modernong pamaagi sa pag-opera gamit ang gagmay lamang nga hiwa sa tiyan nga mag-resulta sa mas paspas nga recovery kumpara sa tradisyonal nga operasyon.
Ang maong procedure libre ug walay bayaran nga ma-avail sa mga kwalipikadong pasyente diha sa City Hospital, ubos sa pagpangulo ni Chief of Hospital Dr. Michael June Perez.
Nasayran nga dili momenos sa P130,000 ang bayad sa ‘laparoscopic cholecystectomy operation’ kung kini ipahigayon sa mga pribadong ospital.
Sa pakighinabi kang Dr. Arch Thor Ponce, Chairman of Surgery Department and General Surgeon sa JRBGH, siya miingon: ‘Sa ngalan nga minimally invasive siya, buot pasabot gamay lang nga samad ang buhaton sa pasyente. That means, paspas ang recovery sa pasyente ug dali ra makabalik ang pasyente sa iyang normal activities. Dako usab kini nga tabang sa ospital para gamay ra ang magamit nga resources ug cost.’
Uban sa tabang sa mga ekspertong doktor ug pinaagi sa bag-ong teknolohiya nga gigamit sa JRBGH, makasiguro ang tanang mga pasyente nga mahatagan sa husto ug maayong serbisyo.
Ang JRBGH, ubos sa administrasyon ni Mayor Klarex Uy, nagpabilin nga usa sa nag-unang pampublikong ospital sa dakbayan sa Cagayan de Oro kansang misyon ang paghatag og de kalidad nga serbisyong medikal nga walay gipili nga estado sa kinabuhi, ilabina gayud kadtong walay ikagahom sa gastos sa pagpatambal.
Gawas niana, giila na karon sa Department of Health nga level 2 status na ang ospital sa JRBGH, diin makatanyag na kini og mas komprehensibo ug halapad nga serbisyo alang sa katawhan sa dakbayan nga nanginahanglan.
Meanwhile, Mayor Klarex also confirmed the opening of the Tablon Hospital on Aug. 26 which would extend City Hall’s medical services to more remote areas of the city. (DYM/CIO/Photos by Kim Zaldivar/CIO)
