STATEMENT ATTRIBUTED TO GOV. PETER UNABIA:
“ATONG gipalambo ang Misamis Oriental Coffee Roadmap, usa ka estratehikong inisyatibo nga nagtinguha nga himoon ang atong probinsya nga Excelsa Coffee Capital of the Philippines. Ang atong panan-aw naglakip sa pagpalambo sa lima ka ektarya nga mga kapihan matag lima ka tuig, nga nagpunting sa pagpaayo sa kalidad sa kape, pagpalapad sa produksyon pinaagi sa mas maayong tanom ug irigasyon, paghatag og modernong mga kagamitan, pagpangusog sa reseach o bag-o mag bag-ong pamaagi sa mag uma sa kape, ug pagpalapad sa mercado niini.
Aron masuportahan ang atong mga mag-uuma sa kakao ug kape, naghatag kita og mga kagamitan sa pagproseso nga nagkantidad og Php 2.8 milyon— lakip na ang cacao grinding machines, coffee depulpers, ug grinders— nga natagamtam sa 152 ka mga benepisyaryo gikan sa lima ka asosasyon sa mag-uuma sa kape sa probinsya. Dugang pa, pinaagi sa pakigtambayayong sa Department of Trade and Industry (DTI), gipang-apod-apod nato ang 45,000 ka robusta ug arabica seedlings sa atong mga mag-uuma aron mapalambo ang produksiyon ug makaduol sa atong tumong nga mapapas ang kakabus.
Uban sa Provincial Agriculture Office ug Misamis Oriental Coffee Council, padayon ang atong suporta pinaagi sa pagpalapad sa yuta, paghatag og farm inputs, benchmarking, ug mga pagbansay. Kini nagpatunhay aron mamahimong lig-on ug malungtaron nga industriya sa kape sa atong probinsya.”
