NAGPADAYON ang mga kalihokan ni Former Governor Peter Unabia bisan paman dili na kini ang Gobernador sa lalawigan sa Misamis Oriental.
Gitambongan niini ang MOFEX world food expo nga gipahigayon sa World Trade Center MLA kon diin kauban niya sila Board Member Rey Buhisan ug Board Member Robert Delara.
Niaging semana kauban niini si former Congressman Christian Unabia nga nakigtagbo sa mga opisyales sa Land Bank of the Philippines (LBP) aron hisgutan ang mga programa nga mag hatag og pinansyal nga suporta sa mag-uuma, mananagat, ug mga anaa sa agri-business.
Ubos sa AgriNegosyo (ANYO) Loan Program, gituohan nga makatabang kini sa mga nanginahanglan og kapital sa dugang puhunan, pagpausbaw sa produksyon, o pagpalapad sa operasyon. Pinaagi niining inisyatiba, nga mas daghan ang matabangan sa sektor sa agrikultura ug pangisda, ug mapalig-on ang ilang panginabuhi ug maghatag kasigurohan sa pagkaon sa probinsya.
Si Governor Unabia dako usab nga kabahin human naka-angkon sa Guinness World Record alang sa “Most People Planting Bamboo Simultaneously in Multiple Venues,” isip KAWAYANIHAN partner sa probinsya sa Misamis Oriental.
