APIL sa mi partisipar ang buhatan ni 1st District Cong. Lordan Suan sa gipahigayong 2nd quarter meeting sa “Task Force Kinaiyahan” nga gipahigayon kagahapon, adlaw nga Martes dinha sa Alcoseba Hall, Kampo Evangelista sa Barangay Patag ning dakbayan.
Mi tambong sa ngalan ni Suan si 1st District Assistant Director Bert Amplayo uban ang mga opisyales sa unipormadong panerbisyo, ingon man ang mga kadagkuan ug representante sa mga nagkadaiyang buhatan sa kagamhanan sa rehiyon 10.
Sigon ni Amplayo nga komitado gayud ang opisina ni Suan sa pagsiguro nga mapatunhay ang mga regulasyon ug balaud aron ma proteksyonan ang kinaiyahan gikan sa mga mapahimuslanong hut-ong sa katilingban kansang mga kalihokan ma konsiderang ilegal nga dakong maka daut ilabina sa atong kalasangan ug kasubaan.
Gi paniguro usab ni Amplayo sa maong panagpulong nga sa kanunay si Cong, Lordan Suan mag paluyo ug mo padangat sa mga gikinahanglang suporta aron lamang mag malampuson ang katuyoan sa maong “Task Force Kinaiyahan” alang sa benepisyo sa katawhan.
