NAGPAHIGAYON og 2nd Joint Suggested Retail Price monitoring sa mga gitumbok nga tambal sa pipila ka mga drugstores ning syudad ang Department of Health (DOH) uban ang Cagayan de Oro City Price Coordinating Council (CDO-CPCC) ingon man mga stakeholders, Miyerkules Agosto 6, 2025.
Lima ka mga drugstores palibot sa Cogon Market ang gimonitor diin tulo niini mga local drugstores ug duha usab ang big chains drugstores.
Presyo sa gitumbok nga mga paracetamol – branded ug generic ang gitan-aw ug nakita sa grupo nga pulos sobra sa SRP ang pagbaligya sa mga drugstores ug lauman nga adunay aksyon nga himoon ang Food and Drugs Administration (FDA) nga miuban usab sa maong monitoring.
Gawas sa SRP monitoring, lakip nga gitan-aw sa team ang good storage practice ug ang pagbaligya sa mga tambal ilabina sa mga antibiotics nga nagkinahanglan og resita ingon man ang presensiya sa pharmacist.
Lakip sa miuban sa joint monitoring ang Department of Trade and Industry (DTI), Fil-Chinese Chambers of Commerce and Industry, Inc. ug mga stakeholders. (ALR/Photos by Iren Fuentes & Roel Felicitas/CIO)
