PRODUKTIBO ang resulta sa pakig hinabi ni 1st District Cong. Lordan Suan kang DPWH Secretary Manny Bonoan didto sa Kaulohan, asa ilang gi hisgutan ang mga importanting proyektong pang imprastraktura alang sa dakbayan sa Cagayan de Oro.
Butyag pa ni 1st District Assistant Director Bert Amplayo nga lakip sa mga gipang tuki ni Suan ug Bonoan mao ang rehabilitasyon ug pag puli sa mga karaang pipes sa COWD aron masiguro ang mas maayo ug padayon nga water service para sa katawhan sa syudad, ang pag mugna sa bag-ong tulay para ma kunhoran ang problema sa trapiko, ang pag siguro sa pag aproba sa budget alang sa bike lane diha daplin sa Cagayan de Oro River ingon man ang pag pundo alang sa dugang nga flood-mitigating structures aron ma protektahan ang mga komunidad gikan sa baha.
Dugang pa ni Amplayo nga dili gayud mo hunong si Kongresista Suan sa pag paningkamot nga mapatuman kining tanan nga plano para ug alang sa kalambuan sa kinabuk-ang syudad sa Cagayan de Oro.
