ISIP pagpasalamat ug pag-ila sa dakong tabang sa buhatan sa Department of Social Welfare and Development, gihangyo ni Cong. Bambi Emano si DSWD Secretary Rex Gatchalian nga mahatagan og pondo ang wala pa makumpleto nga bahin sa gambalay sa DSWD Regional Office 10.
Matud ni Cong. Bambi nga ang maong ahensya maoy iyang kugi nga partner sa pagpatuman sa mga programa sa Social Services alang sa katawhan sa Segundo Distrito. Busa angayan lang nga iya kining tabangan aron matul-id ang ilang buhatan nga andam kanunay mualagad sa katawhan sa Amihanang Mindanao.
