SA tinguha nga matabangan ug maluwas ang kabataan sa child pornography ug uban pang kalapasan sa ilang katungod, nagpahigayon og city wide monitoring sa mga transient inns, lodging houses, hotels, massage spas, bars ug night clubs, Hulyo 30 ang City Inter-Agency Council against Trafficking, Child Pornography and Violence aganst Women and their Children (CIACAT-VAWC) ug Regulatory and Compliance Board nunot sa kasaulogan World Day against Trafficking in Persons.
Nangulo sa monitoring si RCB Vice Chairman Antonio Ramon S. Resma Jr., Committee on Women and Family Relations City Councilor Des Dahino uban sa mga kapolisan, CIACAT-VAWC Focal Person ug City Social Welfare and Development (CSWD) Department Special Unit Head Atty. Venamay Celeste.
Kini gisalmotan sa mga partner government agencies, Regional Inter-Agency Council against Trafficking, Child Pornography and Violence against Women and their Children (RIACAT-VAWC), mga sakop sa prensa ug uban pa.
Nasayran nga ang siyudad aduna’y taas nga kaso sa Child Trafficking hinungdan nga gihingusgan ang pag-promote sa adbokasiya batok human trafficking ning siyudad. (NLB/Photos by Reynan Baylin/CIO).
