DAKO ang kalipay ug pasalamat sa mga kabataan, ginikanan ug magtutudlo sa Tagpangi Elementary School sa bag-ong itukod nga ‘Tatak Klarex’ 2-storey, 2-classroom school building.
Mismo si Mayor Klarex Uy ang nangulo sa groundbreaking ceremony adlaw’ng Huwebes, Mayo 9, kauban si Schools Division Superintendent Roy Angelo Gazo, mga sakop sa Local School Board, City Councilor Suzette Magtajas Daba, Councilor Alam Lim, mga department managers sa city hall, barangay officials, mga magtutudlo ug ginikanan.
Ang maong proyekto mibalor og P29.809 milyones ug kompleto na kini sa multimedia package, mga armchairs diin aduna usab gitagana alang sa mga ‘left-handed’ nga mga kabataan, smart TV ug projector ingon man 2 ka comfort rooms alang sa mga babaye ug lalaki.
Tumong ni Mayor Klarex nga mahatagan og kahamugaway ang mga estudyante lakip mga magtutudlo ug gisiguro gayud niini nga aduna kini functional nga fire alarm system sa panahon nga adunay mga panghitabo ug CCTV cameras. (ACM/CIO Photos by ROEL FELICITAS)
