MI TAMBONG ug malipayong nagpadayag sa iyang suporta si Cagayan de Oro 1st District Cong. Lordan Suan atol sa ika 15th City Development Council kon CDC Full Council Meeting, kagahapon, Lunes, Nov. 25, 2024, kauban ang mga kadagkoan sa City Hall nga naghisgot sa mga kalamboan nga mahimong ipatuman sa umalabot nga mga adlaw.
Si Bert Amplayo, kinsa, Assistant District Director sa buhatan ni Cong. Lordan Suan, maoy mi-representar sa Kongresista, nagkanayon nga nalipay kini sa imbetasyon arun makasugyot og mga kalamboan alang sa kaarangan sa katawhan hilabina sa iyang ginsakpan.
Dugang pa ni Amplayo, partikular nga nahisgotan atol sa maong okasyon ang Fiscal Year 2024 Supplemental Annual Investment Program kon SAIP No. 3; Policy Program para sa preparasyon sa City Investment Program kon CIP, Annual Investment Program kon AIP ug SAIP, nga pulos gilantaw ni Cong. Suan nga makahatag benepisyo ngadto sa mga molupyo sa entiro dakbayan.
