SA pangulohan ni Governor Juliette Uy, ang Probinsyal Capitol sa Misamis Oriental pinaagi sa DSWD, nga gi-representahan sa Provincial Social Welfare and Development (PSWD), naghatag og relief supplies sa mga naapektuhan sa demolisyon sa PHIVIDEC. Ang mga lugar nga gipalambongan sa tabang naglakip sa Sitio Dinugon, San Martin, Villanueva, Sta. Ana, Tagoloan, Santa Cruz, Baluarte, ug Mohon.
Ang mga benepisyaryo sa maong relief operation mao ang mga myembro sa Indigenous People nga Higaunon Tribe Elsahitrico.
Gikalipay kaayo sa tribo ang tabang, ilabi na nga kini ang ikaduhang hugna sa paghatag og suporta, nga nagpamatuod nga wala sila gipasagdan atol sa nahitabo kanila. Daghan ang napuno sa kalipay ug pasalamat, uban sa mga luha sa mata ug mainitong pag-abiabi sa mga naghatag og tabang.
Ang 57 ka benepisyaryo misulti nga dako kaayo ang kahulugan sa maong relief supplies kay kini naghatag kanila ug kasiguruhan nga aduna pay kinsa nga nagatiman kanila sa panahon sa kalisod.
Gipadayag sa mga benepisyaryo ang ilang dako nga pasalamat kang Governor Juliette Uy ug sa DSWD/PSWD sa pagtabang kanila sa panahon sa kalisod.
Si Governor Juliette Uy padayon nga nagpakita sa iyang malasakit ug pag-alagad sa katawhan sa Misamis Oriental, labi na sa mga kabus ug vulnerable nga sektor, pinaagi sa aktibo ug sistematikong relief operations aron masiguro nga walay mapasagdan sa panahon sa kalisod ug krisis.
