PASADO na sa second reading sa House of Representatives ang balaudnon ni Cagayan de Oro1st District Cong. Lordan Suan nga mao ang House Bill No. 11108 kon “An act declaring the City of Cagayan de Oro as rafting capital of the Philippines,” sabton nga mas matutukan gayud ang kalamboan niini nga adventure experience ug maglig-on sa ekonomiya sa dakbayan pinaagi sa turismo, ug pagdasig sa lokal nga kagamhanan nga mo-abante ang kahimtang sa kinabuhi sa katawhan sa dakbayan.
Matud pa ni Bert Amplayo, ang tigpamaba sa Office of Cong. Lordan Suan, dili layu sa posibilidad nga mamahimo kining hingpit nga balaud tungod aduna nay mapakitang record ang white water rafting adventure dinhi sa dakbayan nga misarap og 20,000 ka turista matag tuig sa wala pa ang gikalisangan nga Covid-19 pandemic.
Dugang ni Amplayo, moabot ang panahon nga dili na magkalisod ang syudad sa pagbaligya sa iyang kaugalingon ngadtu sa lokal man o langyawng mga turista tungod kay nakadikit na niini ang kaugalingong pangalan kon titulo isip white water rafting adventure capital sa entero nasud, hinungdan nga sa Kamara, kini gipanghingusgan gayud ni Cong. Lordan Suan.
