GI TURNOVER ni 1st District Cong. Lordan Suan ang laing bag-ong gipa barug nga estraktura sa distrito, partikularmente diha sa Barangay Bulua sulod sa tunghaan sa Bulua Central School.
Sigon ni Bert Amplayo, ang tig pamaba sa buhatan sa unang distrito, adlaw nga Domingo, Desyembre 15 sa hapon sa dihang natigayon ang pag dunol sa yabe ni Cong. Suan sa usa ka multi-purpose building ngadto kang Dr. Pedrita Jordan, ang school principal sa maong tunghaan.
Dugang butyag ni Amplayo nga ang maong multi-purpose building mi balor sa dul-an 10 milyones ka pesos ug nga malauman usab sa maong tunghaan nga aduna pay laing madugang nga school building ang ipatukod ni Cong. Suan sunod tuig diin kini mo balor sa 40 milyon ka pesos aron usab mapahimuslan sa mga estudyante sa Bulua Central School, butang kini nga dakong gikalipay sa mga ginikanan ug magtutudlo sa nasangpit nga eskwelahan.
