GITUKI ni Cagayan de Oro 1st District Cong. Lordan Suan ug DSWD Sec. Rex Gatchalian ang mahitungod sa budget para sa social welfare program, partikular kadtong alang sa distrito uno sa dakbayan, kini atol sa ilang one-on-one meeting kagahapon, adlaw nga Merkules.
Matud pa ni Assistant District Director Bert Amplayo, dakong mapasalamaton si Suan sa gipakitang dedikasyon ni Gatchalian inubanan sa pag paningkamot nga mapalambo pag-ayo ang mga programa nga dakong makatabang sa pag hatag alebyo sa mga kaigsuonan tang nagkalisud ug bulnerable, diin gi siguro niini ang ayuda nga tinuoray mapadangat ngadto sa labawng nanginahanglan.
Dugang pa ni Amplayo nga mag padayon gayud sa pag paningkamot ug paninguha si Kongresista Suan nga mo trabaho para sa kaayohan sa katawhan, asa siya andam makig tinabangay sa mga ahensya sa gobyerno aron lamang sa pag siguro nga kanunay anaa mo responde ang nasudnong kagamhanan sa mga panginahanglanon, inubanan sa tiunay nga serbisyo direkta ngadto sa mga Kagay-anon.
