MI PAHIGAYON sa sunod-sunod nga pagpang apud-apud sa foodpacks si 1st District Cong. Lordan Suan kagahapon, adlaw nga Domingo sa duha ka managlahing lokasyon uban ang pagpang lista sa mga benepisyaryo alang sa programang AKAP o “Ayuda para sa Kapos ang Kita Program” sa DSWD para sa dul-an 400 ka mga pamilya.
Matud pa ni 1st District Assistant Director Bert Amplayo, ang una nga hugna sa maong kalihokan natigayon sa sayong kabuntagon diha sa Zone 7 sa Barangay Bulua kansang mga benepisyaryo mao ang mga grupo sa mga farmers didtong dapita samtang ang ika duhang hugna sa susamang adlaw gipahigayon sa hapon diha sa Sitio Macanhan, Barangay Carmen diin kining grupoha gi langkuban sa mga senior citizens ug ang mga biktima sa sunog nga natigayon dipalang dugay.
Sa susamang adlaw, mga alas dos sa hapon, natigayon na usab ang laing usa ka sunog dihang dapita sa Zone 4, Kamuning, Barangay Carmen, asa gilayong gi mando ni Cong. Suan ang pag hatag sa pasiunang ayuda alang sa mga biktima. Gika tahong 6 ka mga panimalay ang gi ingog totally damaged samtang duha ang partially damaged.
Sigon ni Amplayo nga malauman sa mga biktima sa sunog nga ilang ma dawatan ang tukma ug haum nga ayuda sama sa pagkaun, maayong panglawas, padulong sa pinansyal nga hinabang gikan sa 1st Congressional District ubos sa pag dumala ni Cong. Lordan Suan.
