STATEMEN OF CAGAYAN DE ORO CITY MAYOR ROLANDO UY
“Daghang salamat sa Philippine Basketball Association (PBA), ilabina kang PBA Commissioner Willie Marcial, sa inyong gipahigayon nga Hataw Basketball Clinic, ug usab sa inyong gidonar nga rubber flooring ug basketball equipment alang sa atong kabatan-onan sa Macanhan, Barangay Carmen.
Kauban nato sa maong ceremonial turnover ang team Rain or Shine Elasto Painters uban ang akong suod nga higala, Coach Yeng Guiao.
Akong pasalamat sa tanan natong mga kauban sa City Sports Office, nga gipangulohan ni Department Manager Albby Cris “Bheng” Waga, ug sa mga opisyales sa Barangay Carmen, nga gipangulohan ni Punong Barangay Kikang “KapKik” Uy, alang sa ilang makanunayon nga suporta ug paningkamot alang sa atong mga batang atleta.
Ang dakbayan sa Cagayan de Oro mao ang unang syudad nga gibisitahan sa PBA gawas sa Metro Manila atol sa selebrasyon sa ilang ika-50 nga anibersaryo. Sigurado kami nga kini nga suporta makatabang sa pagpalambo sa talento ug hilig sa atong kabatan-onan sa basketball.”
