GITAHO ni Gov. Peter “Sr. Pedro” Unabia ang iyang tinguha sa pagpakunhod sa kapobrehon sa probinsya. Kini atol sa State of the Province Address (SOPA) sa lungsod sa Villanueva ning lalawigan.
Tinguha niini nga sa tuig 2028 mahimong single digit ang poverty incidence rate uban sa kolaborasyon sa mga lideres.
Gibutyag usab sa gobernador nga pinaagi sa PAGLAUM development agenda, dili mapihig sa kaayohan ang katawhan.
Padayong hingusgan ang mga programa alang sa agrikultura, turismo, pangempleyo, panginabuhian, edukasyon, panglawas ug imprastraktura.
Lakip sa mga kalaponsan sa administrasyong Unabia ang rekognasyon isip fastest growing economies sa nasud; increased honoraria sa mga BNS, BHWs ug CDWs; 47- Milyones pesos PMU-LEAP assistance; 147- Milyones balor nga CDCs; ug, uban pa.
Samtang lakip sa mga planong gitanyag ang pag-upgrade sa mga provincial hospitals; waste-to-energy energy (WTE) program implementation; ug power supply efficiency, stability ug reliability; ug uban pa.
Mihatag usab og mensahe sila si 2nd District Representative Bambi Emano, Provincial Board Member Pangky Acain, BM Syremae Emano, BM Dexter Yasay, Claveria Mayor Meraluna Abrogar, 2nd Congressional extension office in-charge Nancy Madjos ug Special Assistant to the Governor Virgilia Dumadag.
Liboan ka katawhan ang midagsa sa maong kalihukan.
Kahinumdomang gisugdan kini nga serye sa taho sa probinsya ning bulan sa Marso.
Gitakda usab ang SOPA sa lungsod sa Jasaan karong adlawa.
Kabahin kini sa tinguhang makubsan ang kalisod sa lalawigan subay sa SDPI Program ug kinatibuk-ang PAGLAUM development agenda sa gobernador. PIO
