SA dili maihap nga higayon, lain na usab nga pasidungog ang nadawatan ni Cagayan de Oro 1st District Cong. Lordan Suan bag-ohay lang. Ning higayona, gikan sa Kaulohan pinaagi sa Bagong Pilipinas Serbisyo Fair kon BPSF kung diin gikalipay ni Pres. Ferdinand “Bongbong” Marcos Jr. ang dakung kontribusyon sa kongresista kung hisgotan ang pagtunol sa batakang serbisyo ngadto sa katawhan nga iyang ginsakpan.
Sugilon pa ni 1st District Assistant Director Bert Amplayo, malipayong gi dawat ni Cong. Suan ang maong talagsaun nga award sanglit pinaagi niini na rekognisar ang iyang na buhat atol sa pag host sa BPSF Northern Mindanao leg sa Cagayan de Oro bisan paman ug luyo sa hamubo nga panahon nga gi hatag kaniya isip preparasyon asa kini nag malampuson sa pag tanyag sa nagkadaiyang serbisyo ug programa nga dala sa nasudnong kagamhanan ubos sa liderato ni House Speaker Martin Romualdez ug ni Presidente Bongbong Marcos Jr.
Dugang ni Amplayo, dili tiaw ang paningkamot ni Cong. Suan atong panahona aron lang mahatagan sa kalampusan ang maong programa, butang nga namatikdan ug wala palampasa sa presidente ang gipakitang katakos sa kongresista nga maoy hinungdan karon sa maong award.
Butyag ni pa Amplayo, sigon sa rekognasyon, tataw ang tema nga “Tsada ‘yan coz it’s Cagayan” nga maoy mi highlight dili lang sa dakbayan sa Cagayan de Oro kondi lakip na ang probinsya sa Misamis Oriental ingon man ang kinatibuk-ang Amihanang Mindanao nga naka hatag inspirasyon sa mga molupyo sanglit sa maong programa, napa duol niini ang mga serbisyo sa nasudnong kagamhanan padulong sa ordinaryong katawhan.
