MAINITONG giabi-abi sa kagamhanan ning syudad sa Cagayan de Oro ug Probinsya sa Misamis Oriental ang 230 ka mga delegado kon ‘Tourism Ambassadors’ gikan Estados Unidos kinsa kabahin sa Northern Mindanao tourism tour nga gitawag og ‘Very Important Pinoy Tour (USA Leg).
Gani man, usa ka joint welcome dinner ang gipahinungod ni Cagayan de Oro City Mayor Klarex Uy, kinsa girepresentahan ni Bise Mayor Jocelyn ‘Bebot’ Rodriguez ug City Mayor’s Chief of Staff Sheila Lumbatan ug Misamis Oriental Governor Peter Unabia, uban ni Department of Tourism 10 Regional Director Marie Elaine S. Unchuan kagabii diha sa City Tourism Hall ning syudad.
Ang delegasyon sa VIP Tour gipangulohan ni Consul General Senen T. Mangalile sa Philippine Consulate General sa New York isip delegation head, kauban ang pipila ka mga opisyal sa embahada sa Pilipinas nga nakabasi sa ubang estado sa tinipong nasud sa Amerika. (CIO/photos by Kim Zaldivar)
