MITAMBONG si 1st District Cong. Lordan Suan sa turnover of office ceremony sa Kampo Alagar karong adlawa, Hunyo 20, kong asa gi hulipan si PBGen Jaysen de Guzman ni PBGen Rolindo Suguilon, kinsa karon ang bag-ong na instalar nga labaw sa kapulisan sa Rehiyon 10.
Subay niana, dako nga mapasalamaton si Suan sa nahimong kontribusyon ni PBGen Jaysen de Guzman sa pag siguro nga mabuhat sa kapulisan ang ilang mga tahas ubos sa iyang liderato sa dihang siya pa ang nangulo niini sulod sa nanglabayng mga bulan.
Matud pa ni Bert Amplayo, kinsa tigpamaba ni Suan, mi padayag usab ang kongresista sa iyang suporta alang sa nasudnong kapulisan dinhi sa rehiyon ubos sa bag-ong liderato ni PBGen Suguilon, diin gi siguro usab niini nga sa tanang panahon, tibuok ang iyang ikahatag nga suporta sa PNP alang sa pag kab-ot sa tiunay nga kalinaw ug kahusay sa Amihanang Mindanao, ilabina dinhi sa dakbayan sa Cagayan de Oro.
