NASAKSIHAN sa liboan ka mga residente sa Balingasag ang State of the Province Address ni Governor Peter Unabia, Marso 4.
Gipasigarbo ni Unabia ang mga kalampusan nga nahimo gikan sa mga Programa ug Proyekto sa nagkadaiyang sektor sama sa Agrikultura, turismo, Edukasyon, Imprastraktura ug uban pa.
Gibutyag ni Governor Unabia nga sa iyang Administrasyon ang dakong tinguha niini ang makab-ot ang single digit poverty incidence (SDPI).
Gibutyag ni Governor Peter Unabia nga mas palambuon niya ang agrikultura sa lungsod sa Balingasag.
Lakip na niini ang pagpananom sa kawayan didto sa Brgy. Samay ug uban pang suporta sa mga mag-uuma.
Gitanyag usab ni Unabia ang mga programa sa turismo sama sa pagpalapad sa Laguindingan Airport , View Deck sa Claveria, Divine Mercy sa El Salvador, ug Zipline sa lungsod sa Talisayan.
Sa kalihokan gi awhag niini ang mga lideres, mga partner agencies ug katawhan sa balingasag nga makipag-hiusa aron mapakunhod ang kopobrehon sa lalawigan.
Napahigayon usab si Unabia sa iyang SOPA kon State of the Province Address didto sa lungsod sa Alubijid ug gitakda usab kining mohatag sa susamang taho sa lungsod sa Lagonglong. (MisOr PIO/SAYUy)
Unabia visits Balingasag for State of the Province Address leg
