GIPASALIG sa garbage collector nga Tencil Environmental Management nga mahakot ug mahinlo niini ang mga basura sa syudad sulod sa tulo ka adlaw o hangtud Huwebes, Mayo 22 ning tuig.
Kini human gipatawag ug gipatubag sa pipila ka departamento sa city hall, sa pagpangulo sa City Local Environment and Natural Resources Office ug City Legal Office, ang kadagkoan sa Tencil kagahapong adlawa, Mayo 19 sa usa ka panagtagbo kalabot na sa nagkagrabeng suliran sa koleksyon sa basura.
Matud ni Jermie Danuco, operations manager sa Tencil, nga pinaagi sa tabang sa city hall ug ubang pribadong grupo, ilang paningkamotan nga masulbad na ang problema sa koleksyon sa basura.
Nasayran nga nakasinati ang syudad og grabeng gidaghanon sa basura sulod sa pila na ka semana tungod usab sa problema sa garbage collection, apan nipasalig ang Tencil nga masolusyonan na kini nila karong Huwebes, Mayo 22.
Lakip sa misalmot sa meeting ang City Economic Enterprises and Business Development Administration (CEEBDA), RTA, CSWD, CIO, Community Affairs Office, COCPO. (ACM/CIO Photos by ROD CONSTANTINO)
