NAGMADASIGON ang mga residente sa Habitat Phase 2, Barangay Pagatpat sa dihang mi lambigit sa selebrasyon ang buhatan ni 1st District Cong. Lordan Suan pinaagi sa representante niini nga si Assistant District Director Bert Amplayo, kini atol sa ika siyam ka anibersaryo sa nasangpit nga komunidad nga gi langkuban sa kapin gatos ka mga panimalay bag-ohay pa lamang.
Sa susamang panahon, mi duyog usab ang mga myembro sa konseho sa Pagatpat pinangunahan ni Punong Barangay Achilles “Gogoy” Babaran nga dakong gika lipay sa katawhan human kini namulong uban ni Amplayo aron dasigon ang mga molupyo sa padayong pakig tinabangay aron ma kab-ut sa tanan ang hiniusa nilang tinguha ingon man ang pag palambo ug pag patunhay sa maayong relasyon tali sa manag silingan.
Gi aghat usab ni Amplayo ang mga residente nga dili mag makuli sa pag duol sa buhatan ni Cong. Lordan Suan kong sila nag kinahanglan sa unsa mang matang sa assistance, ilabina kadtong adunay kalabutan sa panglawas, tambal ug uban pa sanglit andam man sa kanunay ang buhatan sa kongresista nga mo tabang sa katawhan nga tinuoray nga nag kinahanglan.
Dugang pa ni Amplayo nga nalipay pag-ayo si Cong. Suan sa gi pakita nga panaghiusa sa mga taga Phase 2 luyo sa mga hagit sa kinabuhi hinungdan nga anaa usab kanunay ang iyang suporta alang sa kaayohan para sa tanan.
