GIBALIKAN sa buhatan ni 1st District Cong. Lordan Suan ang Barangay Lumbia, partikular ang San Isidro aron ma aporan sa hinabang ang mga na biktima sa baha sa milabay nga mga adlaw.
Sigon ni 1st District Assistant Director Bert Amplayo, kinsa personal nga mi dangat sa dapit isip representante ni Suan, kini nga kalihokan parte lamang sa ilang na andan nga rice and groceries distribution sa matag higayon nga adunay trahedya diin gilayon aktibo nga mo tubag sa panginahanglanon ang QRT o quick response team sa kongresista.
Dugang pa ni Amplayo nga gawas sa Lumbia, lakip sa gi bisitahan sa QRT ni Suan mao ang mga landslide ug fire victims sa Oro Culai, Barangay Balulang, diin sa maong insidente, 1 ang totally damaged samtang laing usa ang partially damaged nga mga panimalay gumikan sa sunog human una natigayon ang pag dahili sa yuta nga labing naka apekto sa di mo minus 13 ka mga indibidwal.
Gi paniguro ni Amplayo nga gawas sa mga na apud nga pasiunang hinabang, paga tagaan usab ang maong mga biktima sa baha ug sunog sa financial assistance aron sila sa hinay-hinay makabangon ug ma bati ang alebyo sa ilang kasamtangang kahimtang, kini isip tubag sa buhatan ni Kongresista Suan.
