MALAUMAN nga mag padayon ang mga na andan nga serbisyo ni Cong. Lordan Suan sa unang distrito karong tuig 2025 diin tuyo gayud sa kongresista nga ma tagaag alebyo ang kahimtang sa mayorya sa katawhan nga anaa sa kalisud.
Sigon ni 1st District Assistant Director Bert Amplayo, sa kasamtangan, suspendido pa ang nagkadaiyang assistance nga nagikan sa Department of Social Welfare and Development kon DSWD, apan sa mga umalabot nga adlaw, malauman nga kini mahibalik ra, butang kana nga i-anunsyo sa tukmang panahon sa buhatan ni Cong. Suan.
Dugang pa ni Amplayo nga tinguha gayud si Cong. Suan nga dili ma pihig sa ayuda ug serbisyo ang mga taga distrito uno hinungdan nga makusganon kining ga paningkamot sa Kaulohan nga maka padangat sa dugang pundo para sa iyang mga constituents.Subay niana, butyag ni Amplayo nga nanghinaut si Suan sa dugang kalambuan ug kaayohan sa tanang Cagay-anon karong tuig 2025, kini luyo sa mga nagkadaiyang hagit nga gina atubang dili lang sa dakbayan kundi lakip sa nasud nga dakong maka apekto sa katawhan.
