GILAYONG milihok ang buhatan ni 1st District Cong. Lordan Suan aron mo responde sa mga nag unang gi kinahangaln sa mga nasunogan sayo sa kadlawon dihang dapita sa Barangay Carmen, diin sigon sa pasiunang datus, mi kabat sa kapin kon kulang 46 ka mga pamilya ang direktang apektado.
Matud pa ni 1st District Assistant Director Bert Amplayo, subay sa giya ni Suan, ang mga staff sa iyang buhatan mi lihok gilayon sa pag siguro nga ma dunolan una sa pamahaw ang mga biktima nga paga sundan sa pag pang apud-apud sa food packs.
Samtang, dugang pa ni Amplayo nga bisan toa pa sa Kaulohan si Cong. Suan sa kasamtangan apan busy kini sa pag panuktok daw paghangyo sa mga ahensya sa nasudnong kagamhanan partikular kang Secretary Rex Gatchalian sa DSWD ingon man sa opisina ni House Speaker Martin Romualdez ug sa TINGOG partylist alang sa dugang tabang para sa mga nasunogan.
Lakip sa malauman sa mga biktima matud pa ni Amplayo mao ang AICS kon assistance to individuals in crisis situation nga pinundohan isip parte sa congressional initiative nga gina lihok ni Cong. Lordan Suan aron sa ingon, matabangan ang mga biktima nga hinay-hinay makabangon gikan sa trahedya nga wala damha.
