GILAYONG miresponde ang buhatan ni 1st District Cong. Lordan Suan pinaagi sa ilang quick response team *QRT) sa dihang nasayran nga adunay mga nabiktima sa landslide didtong dapita sa Barangay Dansolihon dipalang dugay.
Sigon ni 1st District Assistant Director Bert Amplayo, 4 ka mga myembro sa banay ang direktang apektado diin matud pa sa usa ka Faustino Rosendo, kining pag dahili sa yuta nga mi igo sa ilang panimalay resulta lamang sa makusog nga ulan nga mi bundak sa ilang dapit diin siya mapasalamaton kay walay na samdan kanila.
Subay naina, midunol ang opisina ni Cong. Suan sa pasiunang hinabang ngadto sa mga nasangpit nga residente diin pagahatagan pud kini sila sa pinansyal nga assistance aron sila maka angkon sa alebyo sa ilang nasinating trahedya.
Dugang pa ni Amplayo nga sa kanunay si Cong. Suan ga monitor sa mga gapanghitabo sa iyang gingsakopan ilabina karon nga nagkadaghan ang mga insidente sa pag baha ug landslide dala sa sunod-sunod nga mga pag bundak sa ulan asa kini sagad direktang maka apekto sa mga residente nga nanimuyo ilabina sa mga peligroso nga dapit.
