DUGANG 1,557 ka benepisyaryo sa Ayuda para sa Kapos ang Kita Program kon AKAP dinhi sa Cagayan de Oro ang malaumang makadawat sa ilang hinabang-pinansiyal pinaagi ni First District Cong. Lordan Suan, asa kini gi sugdan kagahapon Agosto 30 hangtud karong adlawa, Sabado, ika 31 sa Agusto 2024 atol sa AKAP payout nga ginapahigayon diha sa Brgy. Iponan sa nasampit nga dakbayan.
Sigon ni First District Assistant Director Bert Amplayo, hilabihan ang kalipay ug pagpasalamat sa mga benepisyaryo ngadtu kang Cong. Suan, kinsa walay hunong nga pagpanoktok sa kasing-kasing ni Presidente Bongbong Marcos ug House Speaker Martin Romualdez arun lamang makabitbit og lagotmon nga mabahin-bahin sa katawhan dili lang sa Unang Distrito, kondi lakip na sa Segundo Distrito sa Cagayan de Oro.
Dugang pa ni Amplayo, nanghinaut si Cong. Suan nga mahimong instrumento ang mga ayuda nga iyang napopo gikan sa Kaulohan alang sa pagpagaan sa gipas-an nga problema sa panalapi niadtung ubos intawon kaayo ang kinitaan nga maoy tuyo’g tumong sa programang AKAP sa DSWD.
