UBAN sa dakong garbo ug pasalamat nga ang probinsya sa Misamis Oriental giila nga “Fully Compliant” sa 24th Gawad KALASAG 2024 Seal and Special Award for Excellence in Disaster Risk Reduction and Management and Humanitarian Assistance atol sa gipahigayon nga National and Regional Awarding Ceremony. Kining prestihiyosong dungog atong nakab-ot pinaagi sa paningkamot sa atong Provincial Disaster Risk Reduction & Management Office nga gipanguluhan sa atong PDRRMO Head Mr. Jun Dy.
Kahibaloan nga mao kini ang pinaka unang higayon nga nahimong awardee ang probinsya sa Gawad KALASAG isip usa sa mga FULLY COMPLIANT Local DRRM Councils and Offices sa tibuok nasud human sa gipahigayon nga national validation sa National Disaster Risk Reduction and Management Council (NDRRMC) ug Department of National Defense (DND).
Kini nga kalamposan nagpakita sa dedikasyon sa Panggamhanan sa Probinsiya kauban ang atong mga dakbayan ug munisipyo sa pagpatuman sa mga programa ug mga inisyatibo nga gitumong ang pagpanalipod sa atong mga katawhan batok sa mga katalagman ug pagsiguro sa paspas nga serbisyo sa mga panahon sa panginahanglanon.
