KABAT sa 1,600 ka mga benepisyaryo ang bag-ohay lang naka pahimulos sa programang TUPAD ubos sa pag dumala sa DOLE Region 10, kini human sa validation ug contract signing nga gi pasiugdahan sa buhatan ni 1st District Cong. Lordan Suan dihang dapita sa Macanhan, Barangay Carmen.
Gika butyag ni 1st District Assistant Director Bert Amplayo nga niining higayona nag gikan ang mga benepisyaryo sa mga barangay sa Carmen, Patag ug Balulang, diin kini dakong gika lipay sa maong grupo sa mga residente nga aminadong kining klase sa programa sa nasudnong kagamhanan dakog ikatabang kanila ug nga sila nag pasalamat sa way puas ngadto kang Kongresista Lordan Suan, kinsa naningkamot nga ang maong programa mapa-abot kanila nga nanginahanglan.
Dugang pa ni Amplayo nga makalaum ang katawhan nga aduna pay dugang nga mga programa ug benepisyo ang mapa abot ug ma tagamtaman sa mga taga distrito uno sanglit wamay hunong ang pag panghingusog ni Suan sa Kaulohan nga maka pangayo sa dugang gahin sa pundo alang sa dakbayan sa Cagayan de Oro.
