MAPAHIMUSLAN na gayud ang bag-ong Primary Care Center – Tablon nga nahimutang sa esteng bahin ning dakbayan human kini opisyal nga gibuksan sa publiko adlawng Martes, Agosto 26 sa pagpangulo ni Mayor Rolando ‘Klarex’ Uy.
Ang inagurasyon gisugdan sa usa ka Santos nga Misa ug gisundan gilayon sa blessing ug ribbon-cutting ceremony.
Tungod niini gikalipay ug mapasalamaton ang katawhan human sa taas nga panahon sa pagpaabot sanglit dugang serbisyong medical ang mapahimuslan sa katawhan.
Nasayran nga ang maong proyekto nalangan tungod sa mga kakulian nga gipaningkamotan ni Mayor Klarex nga matubag ug masulosyonan.
Matud pa ni Acting Chief of Hospital Dr. Geenen Tiamson-Macadaeg maningkamot ug ipasalig sa ilang team nga makahatag og dekalidad ug “compassionate health service.”
Ang Primary Care Center maghatag og serbisyong medikal susama sa out-patient department, minor surgery room, animal bite center, pharmacy, ug gsa dili madugay apil na usab ang laboratory room.
Gitambongan mismo ni Mayor Klarex ang inauguration ug blessing, gitambungan kini mismo ni Mayor Klarex Uy ug mga sakop sa 21st city council nga sila Councilor Edgar Cabanlas, Councilor Eric Salcedo, Councilor Roger Abaday, health JRBGH administration, CHIO, Phil-health ug mga kadagkoan sa Department of Health.
Samtang pormal usab nga gi-turnover sa Department of Health ang Certificate of Accreditation sa City Hospital Tablon isip usa ka Primary Care Center. (DYM/CIOPhotos by Jhoanne Abejo)
