MOKABAT sa 4,791 ka first year ug second year city scholars, lakip sa medical ug law school, ang midawat sa ilang quarterly allowance, sugod gahapo’ng adlawa, Abril 24 hangtud Abril 25, diha sa city hall quadrangle.
Nasayran ang mga city scholars nga nagtungha sa University of Science and Technology of Southern Philippines (USTP) makadawat og allowance nga balor og P3,500 matag bulan, samtang ang mga city scholars nga molupyo sa hinterland barangays makadawat og allowance nga balor og P1,500 matag bulan, ug ang mga city scholars nga molupyo sa city proper makadawat og allowance nga balor og P1,000 matag bulan.
Sa laing bahin, P5,500 usab ang madawat sa medical school ug law school scholars matag bulan.
Kasamtangan, aduna na’y kapin 15,000 ka city scholars ug financial assistance grantees ang siyudad – pamatuod sa kusog nga adbokasiya sa administrasyon ni Mayor Klarex Uy nga makatapos sa pag-eskwela ang mga batan-on taliwala sa kawad-on. (NLB/CIO/photos by Jay Arancon/CIO)
