KULANG sa suporta sa tambal hilabina ang mga mentally challenged.
Diskriminasyon.
Walay panginabuhian kay dili dawaton sa trabaho, walay pampuhunan ug kulang sa kahinalo sa pang-negosyo.
Maglisud pagsakay sa PUJ ang mga bakol ug piang kay dili PWD-friendly ang mga sakyanan.
Galikayan sa ubang negosyante kon mo-claim sa 20% discount.
Walay special lane sa mga serbisyo sa gobyerno.
Kulang ang SPED teachers alang sa mga Kabataan nga adunay special needs.
Kini ang pipila sa mga yangongo sa mga Persons With Disability nga nakahinabi ni kanhi Mayor Oscar Moreno uban ni Ike Olandesca atol sa Pakighinabi Serye nga gipahigayon sa Brgy. Consolacion.
Isip tubag, gipasalig ni Mayor Moreno nga nga palapdan pa ang serbisyo alang sa mga PWD kon tagaan pagbalik sa higayon nga maka-serbisyo pagka-Mayor sa Dakbayan.
• Dugangan sa mga hanas ug maayo nga mga social workers ang buhatan sa CSWD.
• Hingosgan ang partnership sa national agencies sama sa DSWD alang sa social welfare, LTO ug LTFRB aron mas PWD-friendly ang transportation sa mga PWD, DOH alang sa serbisyo medical.
• Pinaagi sa Office of the Building Official, ipa-implementar sa ensakto ang pagtukod sa mga PWD-friendly buildings ug structures.
• Alang niadtong dunay psycho-social concerns ug mentally challenged, gipasalig ni Mayor Moreno nga ayohon ang House of Hope ug magtukod ug mental facility aron maatiman ang medical needs sa mga mentally challenged.
Ang Pakighinabi Serye usa ka kalihukan diin tagaan sa panahon ang mga nagkalain-laing sektor nga makapadayag sa ilang mga problema sa ilang sector nga gusto nilang i-champion sa mga kandidato sa Team Padayon OSM.
