GUMIKAN sa grabeng kahasol sa mga trabahante sa lalawigan ang over the counter ug meet and greet ni Governor Juliette Uy sa mga empleyado sa kapitolyo rason nisang-at og reklamo si Vice Governor Jigjag Pelaez ug majoriy member sa 20th Sangguniang Panlalawigan.
Human sa careful nga evaluation sa mga ebidensya nga gipakita sa kampo sa SP lakip ang mga Judicial Affidavits, nakita sa korte nga dunay mga kasupakan nga nahimo rason nagpagawas karon og kamandoan si Presiding Judge Giovanni Alfred H. Navarro gikan sa Regional Trial Court og Temporary Restraining Order (TRO) epektibo sulod sa 20 ka adlaw nga magpugong o maghunong sa Memorandum Order GJTU No. 0356-2025 penetsahan July 31.
Nagpasabot nga dili mahimong mag over the counter ug meet and greet si Governor Juliette Uy sulod sa 20 ka adlaw ngadto mismo sa Vice Governor, Board Members, miyembro ug empleyedo Sangguniang Panlalawigan sa Misamis Oriental sa dili pa ang pagdungog sa preliminary injunction karong umaabot Septiyembre 5, 2025.
Mapasalamaton si Vice-Governor Jigjag Pelaez sa gipagawas nga kamandoan sa korte gumikan iyang nabati ang mga reklamo sa mga trabahante nga gaapas sa ilang mga balayrunon apan tungod sa kalangan nga paagi ni Governor Uy sa pagpangsweldo daghan ang apektado nga mga pamilya labina sa ilang panginahanglanon.
Pasabot ni Vice-Governor Jigjag nga dili lang kini kutob sa SP apan lakip sa kinatibuk-ang empleyado sa kapitolyo sa umaabot ug pasiuna lamang kini.
Bisan paman hatagan sa korte ang kampo sa Gobernador nga magsumiti og showcause ug pugngan ang injunction apan kumpyansa sab ang Bise Gobernador sa lalawigan nga dili magmalungtaron ang pagpanglisod lisod ni Governor Uy sa mga empleyado gumikan dili mahimo ang over the counter tungod dunay mga kamandoan na nga gikinahanglan ipaagi na tanan sa ATM ang sweldo gawas pa nga kasupakan kini sa ARTA kon ease of doing business sa matag buhatan sa gobyerno.
