MIDUYOG si 1st District Cong. Lordan Suan sa Cagayan de Oro Press Club kon COPC Christmas party, Byernes sa gabie, Desyembre 27, 2024 diin kini gi tambungan sa ubay-ubay ka mga sakop sa prinsa o tri-media sa dakbayan.
Sigon ni 1st District Assistant Director Bert Amplayo, dako ang kalipay ug pag pasalamat ni Cong. Suan sa mga sakop sa media gumikan sa papel niini nga mao ang pag sabwag sa tukma, haum ug tinuod nga balita, bisan paman nga gi aghat usab niya nga padayonon kini nga matang sa pag taho luyo sa nagkadaghan nga tinubdan sa peke nga mga balita karong panahona diin siya usa sa mga nahimong dakong biktima.
Dugang pa ni Amplayo, isip pag padayag sa iyang pasalamat ug subay sa maong tradisyon sa Pasko, nakig duyog usab si Suan sa kasadya sa selebrasyon ug mi hatag pa kini sa dugang pa-raffle alang sa mga sakop sa prinsa nga dakong gika lipay sa mga mi tambong sa maong okasyon.
