By: Jane Salimbao/PIO
NAKADAWAT og Ultra Portable X-ray Machine ang Panggamhanang Probinsyal pinaagi sa Provincial health Office atol sa sinemanang pagpakayab sa nasudnong bandila.
Kini adunay kantidad nga 3-milyones pesos diin gidawat ni Provincial Health Officer Dr. Teodoro Yu gikan sa Philippine Business for Social Progress (PBSP).
Matud ni PBSP Region 10 Program Officer Ms. Sheena Pagulong, tumong niini nga matabangan ang katawhan nga makabaton og libre nga x-ray hilabina niadtong mga nagpuyo sa kabukiran.
Kini usa lamang sa mga lakang subay sa adbokasiya sa National Tuberculosis Program sa Department of Health alang sa TB Screening.
Laumang moabot sa 424 ka mga barangay ang matabangan niini nga ekipo.
Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM Development Agenda ni Governor Peter Unabia sa letrang “U” kon Unified efforts for Health and Social Services Delivery.
Hulagway kuha ni: Jez Ecuacion/PIO
