SA pagkahulma sa politikanhong kalihukan sa probinsya sa Misamis Oriental alang sa umaabot nga 2025 nga eleksiyon, pormal nang gi proklama ang mga opisyal nga kandidato ubos sa bandila sa 𝐏𝐀𝐆𝐋𝐀𝐔𝐌 𝐮𝐠 𝐏𝐀𝐃𝐀𝐘𝐎𝐍 𝐏𝐈𝐋𝐈𝐏𝐈𝐍𝐎.
Ang proklamasyon sa atong mga nominadong kandidato nagsimbolo sa usa ka importanteng higayon sa demokratikong panaw sa probinsiya nga katuyoan nagpabilin nga parehas – ang paghimo og dalan padulong sa malungtarong kalamboan, hustisya sa katilingban ug kauswagan sa ekonomiya alang sa tanan nga mga Misamisnon.
Sa atong paglantaw sa umaabot nga eleksyon sa 2025, kita kauban ni First District Congressman Christian S. Unabia, Second District Congressman Yevgeny “Bambi” Emano ug Vice-Governor Jigjag Pelaez, masaligon nga ang mga kandidato gikan sa mga Mayor sa duha ka syudad ug mga munisipyo hangtod sa mga representante sa distrito mao ang mga lider sa Misamis Oriental nga kinahanglang magdala ug tinud-anay nga serbisyo para sa atong hiniusang tumong — ang pagpakunhod sa poverty incidence sa Misamis Oriental ug makamugna og probinsya diin ang matag lungsuranon molambuon.
