Kapitolyo probinsyal miturn-over og sakyanan alang sa DA-10

FRONT PAGE
April 28, 2020

SHARE

ARON mapasayon ug mapadali ang paghatag serbisyo nga gikinahanglan alang sa mga mag-uuma ug mga mangingisda sa Misamis Oriental nagtunol ang lokal nga pangagamhan sa lalawigan ubos ni Governor Bambi Emano ug usa ka KIA L300 Vehicle ngadto sa buhatan sa Department of Agriculture-Region 10.
Si Gobernador Bambi isip usa ka agriculturist dako kaayo og pagbati sa mga panginahanglanon sa mga mag-uuma ug mga mangingisda hinungdan nga nagtunol niining maong sakyanan nga mobalor P1.2 milyon aron masakyan sa ilang mga abot ug kuha.
Gidawat kini ni Director Carlota Madriaga ang Regional Technical Director for Operation sa DA-10 kauban si Ms. Nilda Salas ang Center Chief, Poc. MisOr ug si Ms. Angilillah Cabig ang Information Officer sa DA-10.
“The intention of the vehicle is to have an effective and efficient implementation of the programs and projects aron ato gyud matabangan ang mga mag uuma ug mangingisda dinhi sa Misamis Oriental,” sulti ni Dir. Carlota Madriaga.
Pasabot niini nga kung paspas ang agrikultura sa lalawigan posibleng mabuhi ang katawhan sa Misamis Oriental kon ugaling moabot ang panahon nga mag lockdown ang probinsya tungod sa hulga sa COVID-19.
Dugang ni Madriaga nga daku ang ilang pagpasalamat kang Gov. Bambi sa walay pu-as nga pagsuporta niini labina hisgutanan ang pagpalambo sa agrikultura dinhi sa rehiyon.
“Dako kayo mi ug pasalamat kang Governor Bambi sa makanunayon nga pagsuporta sa programa sa Department of Agriculture," dugang niini.
Gipaabot sab niini nga wala gihikaw sa amahan sa lalawigan ang paghatag sa sakyanan aron mapasayon ang implementasyon sa mga programa. 
“Kami mapasalamaton kay wala gyud nimo gihikaw ang pag turn over niining sakyanan aron atong mapalambo ug maayo atong probinsya sa Misamis Oriental," matud ni Madriaga.
Gitagaan og dakong pagtagad ni Gov Bambi kining mga mag-uuma ug mangingisda nga kung dili tungod kanila walay ibutang nga mga gulay ug lagutmon ug kuhang isda diha sa lamesa.
Isip balos si Director Madriaga mihatag  usab og laing mga pakete sa mga binhi nga gulay ug gitunol ngadto mismo kang Provincial Agriculture Office Head Apollo Pacamalan nga hangtod karon panahona padayon sa pagpang-apod apod ug binhi sa Misamisnon aron sila makapananom.

RELATED ARTICLES

LEAVE A REPLY



Subscribe Now!

Receive email updates from Business Week.