CAGAYAN DE ORO CITY JAIL NAKADAWAT OG TABANG GIKAN SA KAPITOLYO PROBINSYAL

FRONT PAGE
April 26, 2020

SHARE

WALAY duha-duha nga gidawat sa mga personahe sa Cagayan de Oro City Jail ang lima ka mga Personal Protective Equipments kon PPE’s, 500 ka facemask, 30 ka face shields, ug lima ka sako sa commercial nga bugas gikan sa Kapitolyo Probinsyal ubos sa liderato ni Governor Bambi Emano. 
    Gilantaw sa amahan sa lalawigan nga gikinahanglan kini og maayo sa mga frontliners diha sa City Jail niining dili tiaw ang dala sa Corona Virus Disease (Covid-19) dili lang tibouk nasud apan tibouk kalibutan hinungdan nakahuna-huna kini nga maabtan kini sila deretso og tabang.
    Abril 24, 2020 sulod sa Provincial Governor's Office personal kining gitunol ni Dr. Jerie Calingasan, ang Chief sa Misamis Oriental Provincial Task Force for Covid 19 kauban ang Vice Chairman sa Commitee on Peace and Order sa Sangguniang Panlalawigan nga si Board Member Dexter Yasay, Provincial Jail Warden Dominador Tagarda, Provincial Veterinary Office Head Dr. Benjamin Resma ug gisaksihan ni Governor Bambi Emano pinaagi sa zoom video conferencing. 
    Malipayon nga gidawat ang maong mga ekipo nila ni SJO4 Gener Galamban- Security and Control Officer/ Team Leader Outside quick response team ug ni SJO3 Joel Tan- Investigator ug Assistant Team Leader sa outside quick response team sa CdeO City Jail. 
    Panagana ang gisiguro ni SJO3 Joel Tan sa kahadlok nga ang siyudad sa Cagayan de Oro masusama sa Cebu City nga nasudlan og Covid ang prisohan ug aduna nay mga natalang piniriso nga nataptan. Ngani mapasigarbuhon kining miingon nga pabiling covid free ang City Jail. 
    Dugang sab niini nga sa pagkakarun wala sa gayud politika sa kalisod nga gi-atubang sa katawhan hilabina ang mga piniriso ug frontliners nga naningkamot nga batukan kining virus. 
    Gipasalamatan og maayo niini ang kagamhanan sa lalawigan labina si Governor Bambi nga tungod niini mahimong komportable ang ilang adlaw-adlaw nga panikay-sikay sulod sa prisuhan kay aduna na silay protective gear nga magamit aron mas ma protektahan ang mga piniriso sa sulod sa bilanggoan. 
    Gitanyag ug gisugyot sab ni Governor Bambi ang E-Dalaw alang sa mga piniriso sa City Jail aron makita nila ilang minahal sa kinabuhi pinaagi sa internet ug sila makasiguro nga anaa sa luwas nga kahimtang ang ilang tagsa tagsa ka pamilya nga anaa sa gawas. 
    Bag-ohay lang gilusad sa Misamis Oriental Provincial Jail (MOPJ) ang E-dalaw ug napasayon ang komunikasyon sa mga priso ngadto sa ilang pamilya ning panahon nga gidili usa ang pisikal nga pagbisita kanila. 
    Sa iyang bahin ni Dr. Jerie Calingasan iyang gipaabot nga niining krisis sa panglawas nga nasinati daghan ang nagsalig sa administrasyong Emano tungod sa mga lakang nga gihimo niini ug pag siguro nga ang katawhan sa Misamis Oriental luwas sa makamatay nga virus.

 

RELATED ARTICLES

LEAVE A REPLY



Subscribe Now!

Receive email updates from Business Week.